• Imprimís

Eleccions entàs deputacions provinciaus

Qué son es deputacions provinciaus?

Es deputacions provinciaus constituïsssen er organ de govèrn dera província e an caractèr supramunicipau.

Son òrgans d’eleccion indirècta, donques era sua composicion s’establís a compdar des resultats des eleccions municipaus.

Es competéncies basiques qu'an es deputacions provinciaus son competéncies era matèria d’assisténcia juridica, tecnica e economica as municipis, e de cooperacion.

Eth numerò de deputats corresponent a cada deputacion provinciau se determine segontes eth numerò de residents de cada província, d’acòrd damb era escala següenta:

  • Enquia 500.000 residents: 25 deputats
  • De 500.001 a 1.000.000: 27 deputats
  • De 1.000.001 a 3.500.000: 31 deputats
  • De 3.500.001 endeuant: 51 deputats

Eth 10 d’abriu de 2015 es juntes electoraus provinciaus (JEP) despartiràn, proporcionaument e en tot atier eth numerò de residents, es lòcs corresponenti a cadun des partits judiciaus.

Mès informacion en:

Art. 204.1 e 204.2 dera Lei organica 5/1985, de 19 de junh, deth regim electorau generau.

Eth despartiment des lòcs des deputacions provinciaus se hè un còp constituïts es ajuntaments dera província.

Mès informacion en:

Art. 205 dera Lei organica 5/1985, de 19 de junh, deth regim electorau generau.

Un còp constituidi toti es ajuntaments de cada província, es juntes electoraus de zòna (JEZ) hèn ua relacion de toti es partits politics, coalicions, federacions e agropacions d’electors qu’agen obtengut aumens un còsso/a laguens deth partit judiciau, en orde decreishent, segontes es vòts obtengudi per cadun d’eri.

Hèta aguesta operacion, era junta electorau de zòna (JEZ) amie a tèrme eth despartiment des lòcs que corresponen as formacions politiques mejançant eth procediment dera lei de Hondt, segontes eth numerò de vòts obtengudi.
Era assignacion de lòcs per part dera junta electorau de zòna aurà lòc:

  • Eth 14 de junh de 2015, en cas de constitucion d’ajuntaments sense interpausa de recors contenciós electorau contra era proclamacion d’elegidi.
  • Eth 4 de junhsèga de 2015, en cas de constitucion d’ajuntaments damb interpausa de recors contenciós electorau contra era proclamacion d’elegidi.

Mès informacion en:

Art. 205 dera Lei organica 5/1985, de 19 de junh, deth regim electorau generau.

Un còp hèta era assignacion de lòcs, era junta electorau de zòna (JEZ) convòque separadament, laguens des cinc dies següenti, as còssos des partits politics, coalicions, federacions e agropacions qu’agen obtengut lòc de deputats, entà qu’elegisquen entre es listes de candidats avalizades aumens per 1/3 d’aguesti còssos, es qui auràn d’èster proclamadi  deputats, e, ath delà, tres suplents. Un còp efectuada era eleccion, era junta electorau de zòna proclame es deputats elegidi e es suplents.

Era convocatòria dera junta electorau de zòna aurà lòc d’acòrd damb es tèrmes següenti:

  • Deth 15 ath 19 de junh de 2015, en cas de constitucion d’ajuntaments sense interpausa de recors contenciós electorau contra era proclamacion d’elèctes.
  • Deth 5 ath 9 de junhsèga de 2015, en cas de constitucion d’ajuntaments damb interpausa de recors contenciós electorau contra era proclamacion d’elèctes.

Mès informacion en:

Art. 206 dera Lei organica 5/1985, de 19 de junh, deth regim electorau generau.

Era constitucion des deputacions provinciaus a lòc eth cincau dia abil posterior ara proclamacion des deputats elegidi.
 

  • Deth 20 ath 25 de junh de 2015, en cas de que non s’age presentat un recors contenciós electorau contra era proclamacion de còssos elegidi. 
  • Deth 10 ath 15 de junshèga  de 2015, en cas de que s’age presentat un recors contenciós electorau contra era proclamacion de còssos elegidi. 

 

Mès informacion en:

Art. 57 deth Reglament d’organizacion, foncionament e regim juridic des entitats locaus, aprovat peth Reiau decrèt 2568/1986, de 28 de noveme.