Desvolopament dera votacion

Òc. Un locau electorau se pòt barrar abans des 20.00 ores tostemp qu´agen votat toti es ciutadans includits enes listes deth cens electorau e es qu´agen recebut eth certificat censau especific.

Òc. Se dempús qu’eth president/a anóncie eth finau dera votacion entàs 20.00 ores i a electors en locau electorau o en accés ath locau que non an votat encara, eth president/a permeterà que vòten.

Mès informacion en:

Art. 88.1 dera Lei organica 5/1985, de 19 de junh, deth regim electorau generau.

Non. Er acte de votar a caractèr personau e intransferible.

Totun, es persones damb discapacitat pòden anar acompanhades d’ua persona de  confiança que les ajude en procés de votacion, des dera eleccion dera papereta enquia eth balhament d’aguesta papereta ath president/a dera mèsa.

Era mèsa pòt anullar aguest vòt, tostemp que se presente deuant dera mèsa eth certificat de defuncion corresponent, a fin de que non s´introdusisque eth vòt ena orna.

Era suspension dera votacion se produsís per:

• Ua interrupcion superior a ua ora,
• Quinsevolh motiu que hèsque impossible er acte de votacion.

Abans d’adoptar aguesta decision, eth president/a a de demanar era opinion a toti es membres dera mèsa e, s’ei possible, ac a de consultar per telefòn ara junta electorau de zòna (JEZ).

Un viatge adoptada era decision de suspéner era votacion, que s’a de reflectir en un escrit rasonat,  eth president/a a d’ordenar era destruccion de totes es paperetes depositades enquia aqueth moment ena orna e a d’enviar immediatament ua còpia der escrit rasonat esmentat ara junta electorau provinciau (JEP), en man o per corrèu certificat.
En aguest cas,  era junta electorau de zòna (JEZ)  a de convocar naues eleccions, qu'an d'auer lòc laguens deth tèrme de 48 ores.

Mès informacion en:

Art. 84.2 e 84.3 dera Lei organica 5/1985, de 19 de junh, deth regim electorau generau.

Era votacion s’interromp quan eth president/a se’n da compde dera abséncia de paperetes de quauqua candidatura e non pòt remplaçar-les mejançant paperetes fornides pes interventors o es apoderats dera candidatura corresponenta.

En aguest cas, eth president/ ac a de comunicar per telefòn ara junta electorau de zòna (JEZ), era quau a de provedir immediatament ara mèsa de naues paperetes.

Era interrupcion non pòt durar mès d’ua ora e era votacion s’a de prorrogar eth temps qu’age durat era interrupcion nomentada. Era decision  d’interrompe era votacion l’a d’adoptar eth president/a dera mèsa mejançant un escrit rasonat.

Mès informacion en:

Art. 84.4 dera Lei organica 5/1985, de 19 de junh, deth regim electorau generau.

• Es electors an d’apropar-se ara mèsa un per un, dempús d’auer passat, s’ac vòlen, pera cabina electorau.
• Cada elector/a a de díder eth sòn nòm e cognòms ath president/a.

• Es vocals e es interventors an de verificar era identitat der elector/a, qu’a de presentar un document acreditatiu dera sua identitat:

-    DNI: non servís eth resguard deth DNI en tramit, pr’amor que non i apareish era  fotografia.
-    Carnet de condusir (damb fotografia).
-    Passapòrt (damb fotografia).

S’accèpte era presentacion d’aguesti documents encara que siguen caducadi, mès an d’èster es originaus. Non s’admeten fotocòpies.

• Es vocaus e es interventors an de verificar qu’er elector/a figure ena lista deth cens en aquera mèsa de votacion.

• Er elector/a a de liurar dera sua pròpria man ath president/a era engolòpa o engolòpes de votacion barrades.

• Eth president/a, sense amagar era engolòpa o engolòpes en cap de moment, a de díder eth nòm der elector/a en votz nauta, e, en tot híger Vòte, a de balhar era engolòpa o engolòpes ar elector/a per tau que l’introdusisque o les introdusisque ena orna o ornes corresponentes.

• Un membre dera mèsa a d’anotar er elector/a ena lista numerotada de votants.

Mès informacion en:

Art. 86 dera Lei organica 5/1985, de 19 de junh, deth regim electorau generau.

Sonque an dret a entrar en collègi electorau, ath delà des electors:

• Es representants des candidatures
• Es candidats
• Es apoderats e es interventors
• Es notaris
• Es agents dera autoritat requeridi peth president/a
• Es membres des juntes electoraus, es jutges d’instruccion e es sòns delegats
• Es representants dera Administracion
• Es persones qu’an de balhar assisténcia as electors s’ac an de besonh

Es accessi ath locau an de demorar complètament liures e accessibles entàs persones qu’an dret a  entrar-i.

Mès informacion en:

• Art. 91.1 e 86 dera Lei organica 5/1985, de 19 de junh, deth regim electorau generau.

Enes mèses electoraus non pòden mancar paperetes de cap des candidatures que se presenten as eleccions.

Se manquen paperetes de quauqua candidatura, cau avisar ath president/a dera mèsa, qui a era obligacion d’interrompe era votacion enquia que se corregisque aguesta anomalia.

Mès informacion en:

Art. 81 dera Lei organica 5/1985, de 19 de junh, deth regim electorau generau.

S’a de comunicar aguest hèt ath president/a dera mèsa, qui a era obligacion de velhar entà qu’arren atempte contra era libertat de vòt des electors en collègi electorau e peth  torn, e pòt ordenar as fòrces de seguretat qu’actuen entà evità’c.

Mès informacion en:

Art. 91 e 92 dera Lei organica 5/1985, de 19 de junh, deth regim electorau generau.

Òc. Sonque qu´an agen estat requeridi peth president/a dera mèsa.

A de comunicar aguest hèt ath president/a dera mèsa.

Tot acte de propaganda electorau ei proïbit pendent era jornada electorau e eth president/a de cada mèsa a de velhar entà evitar que se hèsque propaganda electorau en collègi electorau, enes accesi e ath torn. 

.

En cap moment ei  proïbit de hèr entrevistes entà sondegi electoraus, tanpòc eth madeish dia des eleccions.

En cambi, òc qu’ei proïbida era publicacion e difusion o reproduccion de sondegi electoraus pendeth eth periòde comprés entre eth 19 e eth 23 de mai de 2015.

Mès informacion en:

Art. 69.7 dera Lei organica 5/1985, de 19 de junh, deth regim electorau generau.

Es activitats informatives s´an de hèr normaument des der exterior deth locau electorau. Totun, se pòden eméter imatges deth desvolopament dera votacion des der interior. Entad açò, es mejans de comunicacion an d´èster acreditadi deuant dera mèsa.

Quinsevolh elector/a qu’obsèrve quauqua irregularitat pendent era votacion pòt manifestar-la ara mèsa. Era sua protèsta o reclamacion s’a de hèr a constar en acta dera session.

Mès informacion en:

Art. 97.2 dera Lei organica 5/1985, de 19 de junh, deth regim electorau generau.