• Imprimís

Eth despartiment d´escons: aplicacion dera lei de hondt

Qué ei eth limit o termièra legau?

Era termièra legau ei un limit minim de vòts que s´establís en escrutinh entà qu´ua candidatura pogue concórrer ena distribucion d´escons.

 

Eth despartiment quedarie dera manèra següenta:

    Enes municipaus: 5 % des vòts valables.
    Enes eleccions ath Conselh Generau d´Aran: 5 % o mès de vòts valablement emetudi.

Mès informacion en:

    Art. 180 dera Lei organica 5/1985, de 19 de junh, deth regim electorau generau.
    Art. 20 deth Decrèt legislatiu 2/2003, de 4 de noveme, peth quau s´apròve eth Tèxt rehonut dera Lei dera organizacion comarcau de Catalonha.

Era lei de Hondt ei eth procediment que s´emplegue entà distribuïr es escons.

Enes eleccions municipaus e ath Conselh Generau d´Aran era règla s´aplique sonque enes candidatures qu´obtenguen aumens un 5% des vòts valids emetudi ena circonscripcion (lindar o termièra legau). Es candidatures qu´obtenguen mens vòts non son tengudes en compde. Exemple: municipi damb 9 còssos a despartir e 10 candidatures, en quau s´an emetut 1.400 vòts valids, distribuidi dera manèra següenta:

  • Partit A: 447 vòts
  • Partit B: 277 vòts
  • Partit C: 192 vòts
  • Partit D: 170 vòts
  • Partit E: 96 vòts
  • Partit F: 82 vòts
  • Partit G: 64 vòts
  • Partit H: 37 vòts
  • Partit I: 21 vòts
  • Partit J: 8 vòts
  • Vòts en blanc: 6 vòts

Era termièra legau deth 5 % des vòts valids ei 70, per tant, en despartiment d´escons non se tieràn en compde es G, H, I e J. Enes vòts obtengudi pes auti 6 partits s´aplique era lei de Hondt, damb eth resultat de dividir eth numerò de vòts obtengudi per 1, 2, 3, 4, 5, 6, 7, 8 e 9, que son eth numerò de còssos a escuélher. Atau, s´obtien es quocients següenti:

 

Vòts

Vòts

Vòts

Vòts

Vòts

Vòts

Vòts

Vòts

Vòts

 

/1

/2

/3

/4

/5

/6

/7

/8

/9

Partit A

447

223.5

149

111.75

89.4

74.5

63.86

55.88

49.67

Partit B

277

138.5

92.33

69.25

55.4

46.17

39.57

34.63

30.78

Partit C

192

96

64

48

38.4

32

27.43

24

21.33

Partit D

170

85

56.67

42.5

34

28.33

24.29

21.25

18.89

Partit E

96

48

32

24

19.2

16

13.71

12

10.67

Partit F

82

41

27.33

20.5

16.4

13.67

11.71

10.25

9.11

Eth despartiment quedarie dera manèra següenta:

    Eth prumèr escon correspon ath partit A, pera chifra des vòts obtengudi dividida per 1 (447), qu´ei era mès nauta.
    Eth dusau escon, ath partit B, tanben pera chifra des sòns vòts dividida per 1 (277), pr´amor qu´ei era chifra mès nauta dempús dera anterior.
    Eth tresau escon correspon un aute còp ath partit A, que damb era chifra des vòts obtengudi dividida per 2 (223.5) presente era tresau chifra mès nauta.
    Eth quatau escon, ath partit C (192).
    Eth cincau escon, ath partit D (170).
    Eth siesau ei un aute còp entath partit A, que damb es sòns vòts dividits per 3 a era següenta chifra mès nauta (149).
    Eth setau ei entath partit B, pera chifra des vòts obtengudi dividida per 2 (138.5).
    Eth ueitau escon ei entath partit A, pera chifra des vòts obtengudi dividida per 4 (111.75).
    Eth nauau e darrèr ei tath partit C, pera chifra des vòts obtengudi dividida per 2 (96).

Quan es chifres de dus quocients son iguals, s´atribuís er escon ara candidatura qu´age obtengut mès vòts en totau.