• Imprimeix

Vòte per corrèu (vòt des der Estat espanhòu)

Un còp convocades es eleccions, es electors podetz sollicitar eth vòt per corrèu entre eth 4 d'agost e eth 17 de seteme

Vos auetz d´adreçar, personauments, a quinsevolh burèu de Corrèus e ramplir era huelha de sollicitud deth certificat d´inscripcion en cens electorau. Auetz d´acreditar era vòsta identitat damb eth document nacionau d´identitat (DNI), eth passapòrt o eth carnet de condusir ( ja qu'aguesti documents includissen era fotografia e era signatura dera persona titulara; en cap de cas s´admeten fotocòpies).  

Sonque en cas de malautia o incapacitat, acreditades mejançant un certificat medicau oficiau, ua persona que non sigue era interessada pòt corsar era sollicitud de vòt per corrèu, causa entara qu´a d´èster autorizada per un document notariau o consolar estenut individuaument (en aguesti casi, tant eth certificat medicau coma era escritura notariau o consolar son gratuïts).  

Eth tèrme entà sollicitar eth vòt per corrèu ei deth 4 d´agost ath 17 de seteme. 

Mès informacion:

Directòri de burèus de Corrèus 

Un còp era delegacion provinciau deth Burèu deth Cens Electorau arrecebe era sollicitud e verifique era inscripcion censau, vos enviarà per corrèu certificat, entre eth 7 e eth 20 de seteme, en domicili qu´ajatz indicat era huelha de sollicitud, ua envolòpa damb era documentacion de besonh entà votar. 

Aguesta documentacion includís:

  • Eth certificat d´inscripcion en cens.
  • Ua papereta de votacion de cadua des candidatures que se presenten as eleccions convocades.
  • Era envolòpa de votacion.
  • Ua envolòpa adreçada ath president/a dera mèsa a on vos correspon votar.
  • Ua huelha explicativa deth procediment que s'a de seguir.

Non. Un còp recebetz era documentacion vos cau signar eth comprovant de recepcion, personauments, damb eraacreditacion prealabla dera vòsta identitat.  

Eth cas que non sigatz ena adreça senhalada ena huelha de sollicitud deth certificat d'inscripcion en cens, auratz de presentar-vos, personauments o a trauès de representacion autorizada notariaument o consolarment (en cas de malautia o incapacitat certificada medicament),en 'burèu de Corrèus corresponent entà arrecéber era documentacion entà exercir eth vòt per corrèu, dempús d'identificar-vos.

 

Un còp ajatz escuelhut era papereta de vòt e l'ajatz introdusit ena envolòpa de votacion (o non l'includigatz, se çò que voletz ei votar eth blanc), l'auetz de barrar e, seguidament, auetz d´introdusir era envolòpa que conten eth vòste vòt, amassa damb eth certificat d´inscripcion en cens, ena engolòpa adreçada ath president/a dera mèsa a on vos correspon votar. 

Era envolòpa adreçada ath president/a dera mèsa ei era envolòpa que vos cau enviar per corrèu certificat non mès tard deth 23 de seteme. (Ampliacion deth tèrme: enquiath 24 de seteme. Excepcionaument, enquiàs 14 ores deth 25 de seteme en aqueres localitats a on eth dia 24 de seteme sigue hèsta.)

Aguest enviament ei gratuït entà vosati.

 

Òc. Es persones que volgatz sollicitar eth vòt per corrèu disposatz d´un permís, d'enquia quate ores liures, entà sollicitar-lo.

 

Òc. Es persones que volgatz sollicitar eth vòt per corrèu disposatz d'un permís, d'enquia quate ores liures, entà sollicitar-lo.