• Imprimeix

Vòte des electors malauts o andicapats

Es locaus electoraus an d´èster accessibles entà qu'es persones damb limitacions de mobilitat poguen accedir-i sense cap de dificultat. 

En cas de malautia o incapacitat qu'empedisque qu'era persona se desplace personauments tà un burèu de Corrèus entà demanar era huelha de sollicitud d'inscripcion en cens electorau, eth procediment ei eth següent:

  • Cau qu'era malautia sigue acreditada mejançant un certificat medicau oficiau e gratuït. 
  • Era sollicitud pòt efectuar-la en nòm der elector/a ua auta persona, autorizada notariaument o consolarment mejançant un document que s´estenerà de manèra individuau entar elector/a. 

Eth desplaçament deth notari/ària entath domicili des electors malauts odiscapacitats, entà que les autrege eth poder notariau, ei gratuït.  

De contunh, se seguís eth madeish procediment previst entath vòt per corrèu, totun, es accions de Corrèus se haràn damb er apoderat o apoderada dera persona malauta odiscapacitada. 

Eth tèrme entà demanar eth vòt per corrèu comprenut entre era 4 d´agost e eth 17 de seteme.  

Un còp qu'era delegacion provinciau deth Burèu deth Cens Electorau arrecebe era sollicitud e verifique era inscripcion censau dera persona sollicitanta, remanarà, non mès tard deth 20 de seteme e per corrèu certificat tara adreça indicada per elector/a, era documentacion de besonh entà votar. 

Un còp qu'er elector/a escuelhe era paperetade vòt, l'introdusisque ena envolòpa de votacion e la barre, a d´introdusir aguestaenvolòpa, amassa damb eth certificat d´inscripcion en cens electorau, ena envolòpa que se li envièc damb era adreça dera mèsa electorau que li correspon, e enviar-la per corrèu certificat enquiath 23 de seteme. (Ampliacion deth tèrme: enquiath 24 de seteme. Excepcionaument, enquiàs 14 ores deth 25 de seteme en aqueres localitats a on eth dia 24 de seteme sigue hèsta)