• Imprimeix

Vòte accessible entàs electors damb andicapat visuau

Entàs electors invidents se preve eth sistèma de votacion assistida. 

Es electors que siguen empedidi entà escuélher ua papereta o entà hicar-la laguens dera envolòpa pòden èster assistidi per ua persona dera sua confiança entà exercir eth dret de vòt.  

Maugrat açò, i a un procediment de vòt accessible entad aguestes persones. 

 

Es persones damb discapacitat visuau inscrites en cens electorau que coneishen eth sistèma de lectoescriptura Braille e agen arreconeishut un grad de discapacitat egal o superior ath 33% o siguen afiliadi araONCE. 

 

Es electors que volgatz utilizar eth procediment de vòt accessible l´auetz de sollicitar en periòde comprenut entre eth 4 e eth 31 d´agost. 

Era sollicitud se poderà tramitar trauès deth numèro gratuït 900 400 012. 

Er operador/a telefonic demanarà es donades següentes dera persona sollicitanta: 

  • Nòm
  • Cognòms
  • Data de neishença
  • DNI
  • Domicili
  • Adreça de corrèu electronic
  • Telefòn de contacte

Eth procediment de vòt accessible consistís ena utilizacion de paperetes e envolòpes de votacion normalizadi, as quaus acompanhe ua documentacion complementària en sistèma Braille que permet era identificacion dera opcion de vòt damb garanties d'autonomia e, donques, eth secrèt de sufragi. 

 

Er elector/a qu'age comunicat era intencion d´utilizar eth procediment de vòt accessible a d'anar eth dia dera votacion tara mèsa electorau a on li correspone votar. 

Eth president/a dera mèsa electorau o, se s´escatz, bèth un des vocaus, a de liurar ara persona electora damb discapacitat visuau eth maletin que conten era documentacion entà votar.  

Era documentacion includís:

  • Ues instruccions explicatives, estampades en sistèma Braille.
  • Ua envolòpa de votacion.
  • Ua envolòpa entà cadua des candidatures damb era indicacion dera candidatura entinta e sistèma Braille, e laguens de cada ua d'aguestes envolòpes, ua papereta de votacion en tot correspóner ara candidatura indicada en exterior.

Abans, eth president/a o beth vocau an de verificar, mejançant era presentacion deth DNI, er includiment d´aguesta persona ena lista de persones qu'an comunicat era intencion d´utilizar aguest procediment. (Era mèsa electorau dispòse d'aguesta lista).  

Egalaments, eth president/a dera mèsa o, se s´escatz, bèth un des vocaus li a d´indicar e facilitar er accès ar espaci deth collègi electorau abilitat entà utilizar era documentacion liurada.  

Un còp seleccionada era opcion de vòt, se seguís eth madeish procediment de votacion descrit entà tot er electorat.  

Maugrat açò, aguest procediment de vòt accessible a caractèr volontari, de sòrta qu'es persones qu'ac volguen pòden anar dirèctaments tara mèsa electorau e votar assistidi per persones dera sua confiança.