• Imprimeix

Informacions generaus

Es pròplèu eleccions entath parlament de Catalonha auràn lòc eth dia 27 de seteme de 2015.

Eth Parlament ei era institucion que represente ath pòble de Catalonha. 

Eth Parlament exercís era potestat legislativa, apròve es pressupòsti dera Generalitat e contròtle e impulse eraaccion politica e de govèrn. Exercís tanben es restantes competéncies que li son atribuïdes per ordenament juridic e, en especiau, per Estatut d´autonomia de Catalonha.

Era potestat entà convocar es eleccions entath parlament de Catalonha requè en president dera Generalitat, mejançant decrèt, en quau se fixarà era data de celebracion des eleccions, era dissolucion deth Parlament actuau, eth nombre de deputats corresponent a cada circonscripcion, era durada dera campanha electorau e era nòrma aplicabla ath procès electorau.

Eth Parlament de Catalonha actuauments se compause de 135 deputats. 

Aguesti 135 deputats se repartissen enes quate circonscripcions dera manèra següenta:

  • Barcelona, 85
  • Tarragona, 18
  • Girona, 17
  •  Lhèida, 15

Es deputats son elegidi per sufragi universau, liure, parièr, dirècte e secrèt. En cada circonscripcion s´elegissen tanti deputats coma correspone, d´acòrd damb er Estatut d´autonomia. 

Eth sistèma electorau ei de representacion proporcionau. Era lei d´Hondt ei era formula electorau per miei dera quau se repartissen es escons entre es candidatures qu'agen obtengut, aumens, eth 3% des vòts valids emetudi ena circonscripcion.