• Imprimeix

Cens electorau

Eth cens electorau conten era inscripcion des qu´an es requisits entà votar e non son privadi, definitivaments o temporauments, deth dret de sufragi.

Eth cens electorau entad aguestes eleccions ei integrat peth:

  • Cens d´electors residents en Catalonha (CER).
  • Cens de residents absenti que demoren en estrangèr, inscriti en municipis de Catalonha (CERA).

Eth Burèu deth Cens Electorau, adscrit ar Institut Nacionau d´Estadistica (INE), ei er organ encargat dera formacion deth cens electorau, damb era collaboracion des ajuntaments e des consolats. 

Atau madeish, es encargadi deth Registre Civiu e deth Registre de Penadi e Rebèls an de comunicar quinsevolh circonstància que pogue afectar era inscripcion en cens electorau.

Podetz consultar era vòsta inscripcion pendent eth periòde d´exposicion e rectificacion deth cens en periòde electorau, entre es dies 10 e 17 d´agost, en :

  • Era delegacion provinciau deth Burèu deth Cens Electorau dera vòsta província. 
  • Es ajuntaments e consolats.
  • Era sedença electronica der Institut Nacionau d´Estadistica (https://sede.ine.gob.es). En aguest cas, era consulta exigís un certificat electronic publicat pera sedença electronica der Institut Nacionau d´Estadistica (INE). 

Tanben podetz consultar es donades telefonant tath 901 101 900 deth Burèu deth Cens Electorau.

Es electors qu´ajatz cambiat de domicili o votatz peth prumèr còp auetz de verificar, principaument, s'es vòstes donades son corrèctes. 

Òc. Era inscripcion en cens electorau ei obligatòri entà exercir eth dret de vòt.

Òc. A començament d´an s´inscriuen en cens toti es residents que haràn 18 ans entre er 1 de gèr e eth 31 de deseme der an en cors, damb era anotacion de "menor ". 

Aguesti "menors " inscriti en cens poderàn votar s'eth 27 de seteme an complit es 18 ans, o se les hèn eth madeish dia 27. 

Eth cens que s´utilizarà serà eth cens barrat eth dia 1 de junh de 2015.

S'es vòstes donades non son corrèctes, podetz presentar ua sollicitud de rectificacion o reclamacion, entre eth 10 e eth 17 d´agost, deuant eth ajuntament, consolat o Delegacion Provinciau deth Burèu deth Cens Electorau.

Era reclamacion sonque serà tenguda en compde se se referís a:

  • Era rectificacion d´errors enes donades personaus. 
  • Es cambiaments de domicili laguens d´ua madeisha circonscripcion. 
  • Eth non-includiment dera persona que reclame en cap de seccion deth cens dera circonscripcion maugrat auer-ne dret. 

Non seràn tengudes en compde:

  • Es reclamacions referentes a un cambiament de residéncia d´ua circonscripcion a ua auta realizat mès tard deth 29 de mai de 2015, data de barrament deth cens electorau.

S'era reclamacion se presente:

  • en Ajuntament, ei de besonh mostrar eth document nacionau d´identitat, eth passapòrt o eth permís de condusir (cau aportar-ne ua fotocòpia), o ben
  •  ena delegacion provinciau deth Burèu deth Cens Electorau, en aguest cas ei de besonh mostrar eth document nacionau d´identitat, eth passapòrt o eth permís de condusir (cau aportar-ne ua fotocòpia) e un certificat d´empadronament. 

Es delegacions provinciaus deth Burèu deth Cens Electorau resolveràn es reclamacions non mès tard dera 20 d´agost e ne ordenaràn era exposicion ath public eth 21 d´agost. Ath delà, tanben notificaràn era resolucion adoptada a cadun des reclamants, enes ajuntaments corresponents e enes consolats.

Era carta censau ei un document, enviat peth Burèu deth Cens Electorau, que conten es donades actualizades dera inscripcion en cens electorau e dera seccion e era mèsa ena quau vos correspon votar.

A un caractèr merament informatiu e non servís tà identificar-vos en moment de votar.

Es certificacions censaus especifiques, les expedissen, exclusivaments, es delegacions provinciaus deth Burèu deth Cens Electorau.

Pòden èster de dus tipes:

  • Certificacion censau especifica d´inscripcion. Constituís era pròva qu'era persona que lo presente acredite qu'ei inscrita en cens encara que non figure enes listes. 
  • Certificacion censau especifica de correccion d´errors. Era persona òc qu'apareish enes listes, mès i a bèth error enes sues donades (nòm, cognòm, etc.).

Es certificacions censaus especifiques s´an de presentar en moment de votar.

Eth cambiament de domicili s´a de comunicar en ajuntament corresponent. 

S'ei laguens deth madeish municipi, pòt determinar un cambiament de seccion o dera mèsa a on s´a d´exercir eth dret de vòt. 

Es cambiaments comunicadi mès tard deth 29 de mai de 2015 (data de barrament deth cens electorau), non apareishen arrecuelhudi en cens e non pòden èster tengudi en compde; per contra, òc que s'arrecuelhen es cambiaments comunicadi anterioraments.