Generalitat de Catalunya

Eth Palai se tròbe en centre deth que siguec er important barri josieu de Barcelona. Era major part d'aguest grop de cases apartenguec ath mètge e cirurgian josieu Bonjuha Cabrit. Ara sua mòrt, era sua familha, convèrsa, se despren dera casa e aguesta passe prumèr a mans deth hilh d'un tresaurièr reiau. Mès tard, l'aquerís eth canvista Pere Brunet, qui fin finau la venerà a tres deputats en 1400.

Eth clèrgue Alfons de Tous, eth cavalièr Jaume Marc e eth ciutadan Ramon Desplà aqueriren era finca per 38.500 sòus entà acuélher e bastir en aguest espaci era Diputació del General, en tot complir ua decision des Corts de Cervera der an 1359 damb era fin de dotar de sedença permanenta era mencionada institucion.

Era bastissa s'agranic damb es ans, en tot guanhar er espaci e era categoria monumentau. Es sòns ampliaments, mès, non sigueren frut de capricis estetics, mès que fòrça lèu devengueren un besonh entà toti es que trabalhauen ací: deputats, escrivans, portièrs, regents des compdes, avogats, oïdors de compdes, archivièrs...

Ara, passadi sies sègles, er actuau President dera Generalitat de Catalonha e es sòns collaboradors mès pròplèus an en aguest Palai eth sòn burèu.