Generalitat de Catalunya

Er actuau carrilhon deth Palai dera Generalitat a 49 campanes de bronze e un pes totau de 4.898 quilòs. Aguest nombre de campanes, qu'artenhen ua estenduda tonau de quate octaves cromatiques, li da era categoria de carrilhon de concèrt.

Siguec bastit pera casa Petit & Fritsen, d'Aarle-Rixtel (Païsi Baishi), e siguec inaugurat eth 21 de deseme de 1976, pògui mesi abans deth restabliment dera Generalitat de Catalonha.

Eth carrilhon, estrument sonor singular, permet interpretar tota sòrta de composicions musicaus escrites exprèssaments entada eth, atau coma adaptacions d'òbres de toti es estils.

En Carrilhon deth Palai i an actuat famosi concertistes de per tot eth mon.

En vidèo, Anna Maria Reverté (carrilhonista deth Palai) interprete es pèces N.3 Valsa-Chôro e N.4: Gavota-Chôro dera "Suite Populaire Brésilienne" d'H Villa-Lobos.

Entà mès informacion, adreçatz-vos ara boèta de contacte deth carrilhon

Es concèrts se pòden escotar der interior deth Palai dera Generalitat, en Pati des Irangièrs o ben ena Galaria Gotica en foncion des condicions meteorologiques. En aguesti espacis era audicion ei excellenta e, ath delà, aguesta audicion s'acompanhe damb era visualizacion des teclats der estrument a trauès d'un circuit barrat de television. Era entrada ei gratuïta. Un còp complèt er aforament, tostemp ei possible escotar es interpretacions des carrèrs deth Barri Gotic.

Es concèrts se pòden escotar der interior deth Palai dera Generalitat, en Pati des Irangièrs o ben ena Galaria Gotica en foncion des condicions meteorologiques. En aguesti espacis era audicion ei excellenta e, ath delà, aguesta audicion s'acompanhe damb era visualizacion des teclats der estrument a trauès d'un circuit barrat de television. Era entrada ei gratuïta. Un còp complèt er aforament, tostemp ei possible escotar es interpretacions des carrèrs deth Barri Gotic.

Era sason presente concèrts cada prumèr dimenge de mes (a excepcion der agost e en seteme) entàs 12 deth meddia, damb programes variadi, tant classics coma mès populars, atau coma tanben es concèrts des Hèstes dera Mercè e de Sant Estèue. En mes de junhsèga s'aufrissen, ath delà, es concèrts deth Hestivau Internacionau de Carrilhon de Barcelona, tas 21 ores.