Generalitat
Contactatz damb era GeneralitatAuetz diferentes formes de hè'c:
6. Pati des Irangièrs
Eth Pati dels Tarongers ei en centre neuralgic deth Palai. Un lòc de relacions, amassada e circulacion, d'a on s'accedís as sales de reünions mès importantes, e a on se placen es sales de trabalh deth Gabinet dera Presidéncia.
Eth Pati dels Tarongers comunique damb era residéncia presidenciau des Cases des Canonges, a trauès deth pònt neogotic (6b) que se bastic en an 1928. Tanben s'i pòt veir e escotar eth Carrilhon deth Palai (6a). Aguest singular esturment musicau a 49 campanes que pesen 4.898 quilòs. Se hè a sonar, manuaument, dus còps ath dia e es festius e dates diuèrses.
Eth Carrilhon deth Palai
Pònt neogotic deth Palai
Era importància qu'aquerie qu'era Generalitat hège de besonh era crompa des cases vesies entà agranir es dependéncies deth Palai.
Es naues edificacions des sègles XVI e XVII, as quaus d'accedís pera galaria gotica, se tròben ath torn deth Pati dels Tarongers, damb aguesti arbes frutièrs que soent se plantauen enes jardins des palais. Era aròma des flors e era beutat des fruts ne justifiquen era costum.
Era prumèra part der ampliament correspon ath bastiment des lòtges, qu'imiten era galaria gotica mès damb colomnes de marbre ròsa, d'estil reneishentista, òbra de Pau Mateu e Tomás Barsa. Entà mantier era armonia d'aguest nau pati damb era bastissa medievau, se seguic er estil gotic en bastiment dera galaria superiora.
Enter es gargolhes deth pati se pòden veir bèri personatges coriosi, coma eth turc, qu'arrebrembe eth perilh des incursions des pirates dera Mediterranèa, e eth macer, damb eth sòn vestit d'epòca, que daurie pas as deputats quan se dirigien as reünions des Còrts.
En ua estapa posteriora, Pere Ferrer (1570-1591) se hec cargue der ampliament deth pati e bastic eth petit campanau gotic e era nomentada Sala Tarradellas (abans Salon Daurat o Sala de Govèrn).
Eth pati se completèc ena prumèra mitat deth sègle XVII damb eth bastiment d'ua seria de dependéncies, enter es quaus era Sala Torres-Garcia, damb es pentures muraus d'estil naucentista, que constituïssen allegories de Catalonha.
Fin finau, i a era Sala Tàpies. Se celèbren d'autes reünions, coma es deth Conselh tecnic o es de diuèrses comissions.
