Generalitat de Catalunya

Neishut en Rubí, en an 1955.

Ei doctor en Sciéncies dera Informacion. Professor deth Departament de Jornalisme e Sciéncies dera Comunicacion dera UAB, especializat en istòria dera comunicacion, en analisi dera societat dera informacion, e en estudi des indústries culturaus e era cultura de masses. Tanben a impartit docéncia sus gestion culturau, comunicacion politica, politiques de comunicacion e analisi de mieis.

Arrecebec eth prèmi extraordinari de Doctorat en Sciéncies dera Informacion (1988-89), eth prèmi d'investigacion sus Comunicacion de Masses dera Generalitat de Catalonha (1989), e eth prèmi d'assag Joan Fuster (1994). Autor, entre d'autes, de 'El Reialme deth Subjecte' (1987) e 'Cultura de masses i postmodernitat' (1994), amassa damb Enric Marín, de 'D'Ací i D'Allà, aparador de la modernitat' (1993), e de 'La gènesi de la societat de masses a Catalunya' 1888-1939 (1999), damb Francesc Espinet. A estat autor d'ua cinquantia de tèxtes e articles academics sus comunicacion sociau e coautor des informes sus 'Seguiment de l'impacte social de les noves tecnologies de la informació i la comunicació', patrocinadi pera Fondacion Bofill, e de 'Un segle de recerca sobre comunicació a Catalunya'. Coordinèc eth blòc "Cultura" der Informe entara Catalonha deth 2000 (1999).

A estat director deth Departament de Jornalisme e Sciéncies dera Comunicacion dera UAB (1991-1993) e coordinador dera llicenciatura de Jornalisme dera UAB (1997-1999). Membre dera Comission Assessora sus Publicitat Institucionau dera Generalitat (1998-1999), conselhèr dera Corporacion Catalana de Ràdio e Television (2000), conselhèr deth Conselh der Audiovisuau de Catalonha, responsable de recèrca, estudis e publicacions (2000-2006), president dera Mèsa entara Diuersitat en Audiovisuau (2005-2006) e membre dera Comission Mixta de Transferéncies Estat-Generalitat (2004-2006).