Contactatz damb era GeneralitatAuetz diferentes formes de hè'c:
Composicion e foncions deth Govèrn
Eth Govèrn dirigís era politica e era administracion dera Generalitat de Catalonha e ei titular dera foncion executiva e dera potestat reglamentària.
Ei constituït peth president e pes conselhèrs, e arrespon politicaments deuant deth Parlament de forma solidària, "sens perjudici dera responsabilitat dirècta de cada Conselhèr pera sua gestion".
- Determinar es directritzes dera accion de govèrn
- Elaborar e aplicar eth Budgèt dera Generalitat
- Aprovar es projèctes de lei; dictar decrèts legislatius.
- Exercir era potestat reglamentària.
- Dar o denegar era conformitat ara tramitacion de determinades proposicions de lei.
- Nomentar e separar es nauti cargues dera Administracion.
- Designar es representants dera Generalitat en determinades institucions, organismes e empreses.
- Designar part des membres deth Conselh de Garantides Estatutaris.
- Adoptar mesures reglamentàries entara execucion des tractats e des convènis internacionaus.
- Aprovar es projèctes de convènis d'acòrds de cooperacion damb autes comunitats autònomes.
- Acordar era interposicion de recorsi d'inconstitucionalitat, dempús d'un rapòrt prealable deth Conselh Consultatiu.
- Promòir deuant deth Tribunau Constitucionau conflictes de competéncia e personar-se enes recorsi e es questions d'inconstitucionalitat qu'afècten Catalonha; e quinsevolh auta competéncia o funcion que li atribuïsquen es leis.
Era sedença deth Govèrn serà ena ciutat de Barcelona, e es sòns organismes, servicis e dependéncies poderàn establir-se en diferenti endrets de Catalonha cossent damb critèris de descentralizacion, desconcentracion e coordinacion de foncions.
Totes es normes, disposicions e actes emanades deth Govèrn e dera Administracion dera Generalitat qu'ac requesiràn seràn publicadi en Diari Oficiau dera Generalitat.
Aguesta publicacion serà sufisenta, a toti es efèctes, entara validesa des actes e era entrada en vigor des disposicions e normes dera Generalitat. En relacion damb era publicacion en Boletín Oficial del Estado calerà respectar aquerò que dispause era correspondenta norma der Estat.
